Padagos an paghewas kan mga pigkukundusir na protesta kontra sa marahas na immigration policies ni US President Donald Trump sa Estados Unidos.
Ini an sa ibong kan pig-aapod na military-backed crackdown sa Los Angeles asin an patanid kan Republican president sa paggamit nin pwersa.
Sa Los Angeles, kun saen an kariribukan an nagpuon kan nakalihis na Biyernes, an downtown area an kalmado na alagad nagtitinir na tensiyonado makalihis an mamdamlag na curfew asin an pag-arestrar kan nasa 25 indibidwal.
An mga patrol kan mga otoridad na harani sa mga government buildings an igwang nakabugtak na proteksyon kontra sa vandalism.
Marurumduman, an US Marines pigsugo ni Trump na mag-deploy nin dugang na 4,000 National Guard soldiers.
An matuninong na hiro protesta an napuli sa kariribukan huli sa pagdakop sa mga migrante na ilegal na nakaistar sa nasyon.
Kun marurumduman pa makalihis na manggana ni Trump sa election kan nakalihis na taon,pinuonan kaini an deportasyon para sa mga dae dokumentadong migrante sa US.
Sa ngunyan, padagos na pigbabantayan an kamugtakan sa US huli sa paglala kan mga protesta.
