NAGA CITY- Nakikisumaro sa kaogmahan an pamayuhan kan Public Safety Office-Naga sa mga pagbisto na nakua kan siyudad nin Naga.
Sa nagin paghampang sa mga kagawad kan media ni Renne Gumba an Director kan PSO-Naga, sinaysay kaini na dakulang onra para sa sainda na saro an PSO sa mga nagin katuwang sa espwerso na ginibo kan lokal na gobierno kan siyudad nin Naga sa pamamayo ni Naga City Mayor Nelson Legacion.
Marurumduman, naipuli kan Naga City sa ika-apat na pagkakaton an Over All Most Competitive City, Seal of Good Local Governance, Digital Decmocarcy Award, Gawad Kalasag Awards, Collection Efficiency Awards, Top Performance Peso Awards, First Class City Awards asin iba pa. Katakod kaini, liwat na nagpasalamat si Gumba sa saindang mga nakatuwang tanganing mareseber an nasambitan ng mga pagbisto na nagpapatotoo sa dedikasyon kan siyudad na magin marhay an paggogobernar.
Sa ngunyan, pigsierto na sana kan opisyal na dagos-dagos an saindang pigggibong mga paagi tanganing padagos pang mag-uswag an Naga City.
