Piggirumdom kan Presidential Task Force on Media Security (PTFoMS) an ika-15 taong anibersaryo kan Maguindanao massacre kan nakalihis na aldaw nin Sabado, Nobiyembre 23.
Sa sarong statement, sinaysay ni PTFoMS executive director Undersecretary Jose Torres Jr. na sa madiklom na aldaw na ito sa hisyorya kan nasyon, nahiling an brutal na paggadan sa 58 katawo kabali an 32 media workers.
Kaya man sa aldaw na ito, liwat na pig girumdom an mga biktima kan malagim na trahediya, tinawan nin pagpupugay an saindang nagin mga agi-agi asin liwat na pakusugon an dae nararaot na promisa tanganing protihiran an buhay asin kalayaan kan mga mamamahayag sa nasyon.
An nasambitan ng masakersoboot an saro sa deadliest attack sa mga mamamahayag sa bilog na kinaban na nagsisirbing mahigot na pagirumdom sa panganib na pig aatubang kan media workers sa paghahanap nin katotohanan asin paninimbagan.
Pigtawan duon man kaini an tulos na pangangaipuhan para sa padagos na pagbabantay asin aksiyon tanganing masigurar na dae na mautro pa an pa an trahediya. Pigsaysay man ni USec.
Torres na nagtitinir na committed an Marcos administration sa pagtatao nion salbado na environment para sa media workers.
Marurumduman, kan nakalihis na Nov. 23, 2009, nangayari an malagim na trahediya sa Ampatuan, Maguindanao kun saen pinagbabadil kan gunmen an 58 katawo kabali an mga mamamahayag asin media workers na nakasaksi sa pagsusunad nin certificate of candidacy ni dating Buluan Vice Mayor Esmael Mangudadatu para sa 2010 gubernatorial elections.
