NAGA CITY- Arestado ang isang public school teacher kasama ang dalawang iba pa sa anti-illegal drug operation ng mga otoridad sa Bagumbayan Sur, Naga City kagabi.
Sa nakalap na impormasyon ng Bombo Radyo Naga mula sa Naga City Police Office (NCPO), nabatid na nahuli ang mga suspek sa isinagawang operasyon sa ugar pasado alas 11:50 kagabi.
Kinilala ang mga suspek na sina Noemi Iglesia, mula sa isang pampublikong paaralan sa bayan ng Tinambac, kasama ng boyfriend nitong si Julius San Vicente at kasamahan na si Bien Patrick Pasibe.
Narekober sa mga ito ang pitong sachet ng pinaniniwalaang shabu at ang buy bust money na ginamit sa transaksyon.
Sa ngayon, nagpapatuloy pa ang imbestigasyon habang nananatili na sa kustodiya ng mga otoridad ang mga suspek para sa karampatang disposisyon.
