Kinumpirmar ni Agriculture Assistant Secretary Arnel de Mesa na pinag-uulayan na an pagpapabakal kan P20 kada kilo kan bagas sa mga public school teacher sa masunod na bulan.
Parte ini kan pagpapahewas kan “Benteng Bigas Meron (BBM) Na” program na primerong inilunsar para sa mga senior citizen, PWD, solo parent, asin 4Ps beneficiaries.
Mawot kan Department of Agriculture na maibali an mga paratukdo komo bagong benepisyaryo kan programang ini tangani makatabang sa saindang gastusan sa uru-aldaw.
Sa presente, pigkakarkulong nasa 120,000 minimum wage earners na an nakikinabang sa programang ini magpuon pa kan nakalihis na bulan nin Hunyo.
Sigun ki De Mesa, posibleng maipatulod an access kan mga paratukdo sa P20 na bagas sa mga piling lugar sa Region 2 asin Region 3 ngunyan na bulan nin Agosto.
Padagos pa man an pag-finalize kan mekanismo para sa pakarhay na distribusyon asin pag-iwas sa duplication kan benepisyaryo.
Napagaraman na saro an nasambitan ng proyekto sa campaign promises ni Presidente Ferdinand Marcos Jr.
