NAGA CITY- Irido an sarong miembro kan Philippine National Police (PNP) makalihis na maaksidente sa banwaan nin Bula, Camarines Sur.
Binisto an biktima na si PO3 Ricardo Palacio na presenteng naka-assign sa PNP Bula.
Sa nakuang impormasyon kan Bombo Radyo Naga, napag-araman na pauli na kuta na sa saindang harong an biktima hale sa trabaho kan maaksidente ini sa parte kan Barangay Pawili sa nasambitang banwaan.
Pinurbaran suboot kan nasambitang pulis na likayan an kasabatan na siklista na nagresulta sa pagkaturumba niya sa gilid kan tinampo.
Nagsapo nin lugad sa manlaen laeng parte kan saiyang lawas an biktima na tulos man na pigdalagan sa ospital.
