Pulis irido makalihis na saksakon kan saiyang ex-live in partner

NAGA CITY- Irido an sarong pulis makalihis na saksakon kan saiyang dating live-in partner sa Pasacao, Camarines Sur.

Binisto an biktima na si PO2 Alcid Baquiran, 36-anyos asin presenteng naka-assign sa PNP Pasacao.

Sa nagunong impormasyon kan Bombo Radyo Naga, napag-araman na bigla na sana suboot na sinaksak kan suspek na si Cynthia Alba, 34-anyos an nasambitang pulis.

Swerte man na nasagang ni Baquiran an kutsilyo kaya dae ini nagsapo nin labing lugad sa saiyang lawas.

Tulos man na nagpasiring an biktima sa hepatura kan mga otoridad tanganing ireklamo an pangyayari.

Nagpapadagos pa hasta sa ngonyan an operasyon kan mga kapulisan tanganing madakop an nagdulag na suspetsado.