NAGA CITY-Lugadan an sarong pulis makalihis mabangga kan jeep an pinagmamanihar kaining motorsiklo sa Brgy. Bulawan Sr., Lupi, Camarines Sur.
Binisto an biktima na si Pat. Mark Anthony Alforte Madrona.
Sa nagunong impormasyon kan Bombo Radyo Naga sa PNP-Lupi, napag-araman na mantang pigbabagtas kan nasambit na pulis an daln pasiring sa kasentrohan kan nasabit na lugar kan aksidenteng mabangga asin madara ini kan sarong Jeep na minamanihar ni Jay Sarol Rosales.
Katakod kaini nagsapo nin mga lugad sa manlain-lain na parte kan lawas an biktima na tulos man na idinalagan sa ospital.
Sa ngunyan, nagpapadagos pa an imbestigasyon kan mga otoridad sa nasambit na insidente.
