Aram baya nindo mga ka-bombo, sarong pulis sa Massachusetts an nagamit nin crackers tanganing madakop an orig na nakawara sa kulungan kaini sa Orleans.
Sa post kan Orleans Police Department sa saindang social media an nasambitan ng orig an igwang pangaran na Poo-ah.
Sigun sa nasambitan ng hepatura, nakawara soboot sa saiyang kulungan an orig asin puon garo nag-tour sa sarong banwaan sa Orleans.
Tolos man na naghagad nin asistensiya an mga nakahiling na mga residentes sa mga kapulisan.
Katakod kaini, nagkaigwa nin harabulan sa pag-ultanan kan mga pulis asin orig huli sa pagigin mailap kaini.
Alagad ginamitan nin crackers kan nagrespondeng otoridad an orig kaya matuninong na naibwelta ini sa saiyang kulungan.
Pigsaysay man kan Orleans Police Department na nagin kakaiba an saindang aldaw huli sa nasambitan ng orig.
