Sorpresang binisita ni Russian President Vladimir Putin an inokupar kaining Kursk Region.
Ini an sa tahaw kan pagkonsiderar kan Russia sa prosopwesto kan Amerika na 30 aldaw na ceasefire sa Ukraine-Russia war.
Sa sarong video na ipigheras kan Russian state television, mahihiling na nakasulot nin uniporme si Putin sa saiyang surprise visit sa headquarter kan saindang frontline troops sa Kursk.
Digde, ipinagsugo ni Putin sa saindang tropa an obheto kan Russia na ganap na palibrrhon an Kursk Region sa lalong madaling panahon.
Ini an enot na biyahe ni Putin sa western region puon kan salakayon kan tropa kan Ukraine an lugar kan nakalihis na taon. Nahihiling man an pagbisitang ini ni Putin na mapakusog pa sa morale kan saindang mga soldados kasabay kan pag-abanse kan mga ini sa huring remnants kan holdout kan Ukraine sa laog kan Russia.
Mientrastanto, sinaysay man ni Kremlin Spokesperson Dmitry Preskov na masusing pinag-adalan ni Putin an prosopwesto kan Amerika para sa ceasefire mantang naenot na man na sinaysay ni US President Donald Trump na ki Putin na an bola tanganing magdesisyon sa planong untok-putukam kasabay kan pagpasiring kan mga representatntes kan US sa Russia ngunyan tanganing pag-ulayan an kasunduan.
