Pigsierto kan Quezon City Police District (QCPD) an saindang preparasyon ngunyan na papaabuton na UNDAS 2025.
Sigun ki Police Colonel Vicente Bumalay, nakapaglatag na sinda kan saindang security plan para sa kasalbaduhan kan publiko.
Napagaraman na ipapakuriyat kaini an 1,546 na pulis sa mga pangenot na lugar na nilalaomang dadagsaon kan mga tao.
Kinababalihan ini kan mga sementeryo, kolumbaryo, terminal kan bus, istasyon kan tren, pangenot na tinampo na manunutaran sa syudad kan Quezon.
Plano man kan Quezon City Police District an pagbubugtak nin mga police assistance desk sa pangenot na lugar sa syudad. Apwera digde, magamit man an QCPD nin aerial surveillance tangani mapahewas an saindang monitoring.
Katabang kan QCPD sa pagmamantinir kan seguridad asin kaayusan an Quezon City Transport and Traffic Management Department, na matabang sa pagmamanehar kan trapiko.
