Iimbestigaran na kan pamayuhan kan Quezon City an nasulo na cold storage plant sa FPJ avenue sa Barangay Delmonte, ini an makalihis na maeksperyensyahan an maraot na parong na nagpupuon sa nasulo na planta.
Susog sa iniluwas na pahayag kan syudad, masagibo sinda nin kaukulang imbestigasyon tangani matukoy kun may nangyaring kapabayaan sa parte kan nasambitan ng pribadong kumpanya.
An masangsang na masangsang na parong kawsa kan mga nalalapa na karne sa pasilidad kan kumpanya makalihis na masulo kan Enero 20, 2025 na kun saen nag abot na sa walong magkakaibang mga barangay siring kan Barangay Delmonte, Barangay Paltok, Barangay San Antonio, Barangay Damayan, Barangay Paraiso, Barangay Bungad, Barangay Roxas asin Barangay Masambong an nakaparong kan nalalapa nang karne.
Pigtawan duon pa kan syudad na prayoridad ninda an kasalbaduhan asin salud kan kada residente kaini kaya man pigsusugo na sa mga tauhan kaini an tulos na aksyon, kabali na an QC Health, Disaster Risk Reduction and Management, Office of the City Mayor, Engineering, Sanitation and Cleanup Works, Business Permits and Licensing, Department of Public Order and Safety, Traffic and Transport Management Department (TTMD), asin man Bureau of Fire Protection.
Bagaman padagos an piggigibong aksyon kan pamayuhan kan Lungsod Quezon dae man kaini sigurado kun pirang aldaw pa mahaloy an nasa 400 toneladang mga nalalapa na karne sa nasambitan ng kasulo na planta.
Mientrastanto marururmdumang nag abot sa labi sa limang oras kan masulo an nasambitan ng planta na sigun sa BFP, nag sakat ini sa ikatulong alarma hasta sa dagusan ining matumtom asin nakagamit nin 10 truck kan bumbero tangani maapula an kalayo.
