Pig-inkaminar ni Rev. Fr. Edward Jayson San Diego an mga deboto kan Itim na Poong Hesus Nazareno na sundan an halimbawa ni Hesukristo uru-aldaw.
Sa 2PM mass na pigkundisir sa Quiapo Church ngunyan na aldaw, kasabay kan kapistahan kan Itim na Nazareno, Pigtawan duon ni Fr. San Diego na an pananampalataya sa Diyos an bako sana nag-iitok sa debosyon asin mga panata.
Kabali man an pagsunod sa tukdo kan Kagurangnan asin man sa halimbawa ni Hesukristo kan ini nabubuhay pa sa kinaban.
Paliwanag ni Fr. San Diego na kun ano an pigtutukdo kan Diyos iyo an dapat na panindugan kan kada deboto, asin gibuhon o isabuhay sa uru-aldaw.
Segun pa digde, bako sanang personal nakamawotan an sunuodon pati man dapat an mga tagubilin nin Kagurangnan, dawa pa maisakripisyo an personal na kmawotan.
Inihalimbawa kan padi an ginibo ni Hesus Nazareno na maluwag sa kaloobang sinunod an kamawotan kan Diyos dawa na ini pa an karibay kan saiyang buhay.
Hurot ni Fr. San Diego, an pagigin deboto sa Itim na Nazareno ay kalakip ng pagsasakripisyo asin pagsunod sa kalooban nin Diyos.
Dugang pa ni Fr. San Diego na an nagkapira sa mga darakulang problemang pigkahampang kan mga deboto iyo an pagkakaimbelto sa kun sain na mga kariribokan.
Imbes soboot na sumunod sa kamawotan nin Diyos ay sinusuway pa ini, imbes na pasakop sa saiyang kagustuhan ay nagigin makasadiri, asin man imbes na magpatawad ay pigpipili an kaanggutan.
