Nahahampang sa panibagong imbestigasyon an R&B singer na si R. Kelly.Ini an huli sa pagkakaigwa kaini nin phone number sa retiradong warden sa saiyang federal lockup sa North Carolina.
Sigun sa abogado kaini na si Beau Brindley, nagpuon an problema kan naimbwelto ini sa mentor program na nagtatabang para sa paggiya sa nagkapirang mga inmates.
Nakabantay kaidto soboot an warden kun saen antes ini maghali, winalat kaini an cellphone number na pwedeng apudan enkaso igwang nagkapirang inmates na mawot maghagad nin payo.
Alagad nadakop an kapwa kaining inmates na igwang cellphone na ipinagbabawal sa kulungan.
Sa ginibong paghalughog kan mga otoridad, nahiling ninda an notebook kan singer asin duman nakasurat an numero kan retiradong warden.
Huli sa insidente, ibinugtak si Kelly sa Special Housing Unit mantang ini an pig-iimbestigaran kan mga otoridad.
Marurumdumang kan nakalihis na 2021, na-convict si Kelly sa New York sa mga kasong racketeering, bribery, illegal sex sa mga menor de edad asin pirang mga federal ofenses asin nahatulan nin 3- taon na pagkakakulong.
