NAGA CITY – Ipigkundusir kan Social Security System – Naga an saindang RACE o Run After Contribution Evaders Campaign sa banwaan kan Milaor, Camarines Sur.
Sa entrevista kan Bombo Radyo Naga ki Quennie Joy S. Agsao, Senior Communication Analyst/Regional Communication Officer SSS Luzon Bicol Division sinaysay kaini na an nasambitan ng RACE Campaign an sarong kampanya na pigsasagibo kan Social Security System tanganing masierto an pagsunod asin pag-comply kan saindang mga employers sa sainda man na mga obligasyon sa irarom kan RA 1199 o an Social Security Act of 2018.
Dugang pa kaini, sa nasambitan man na aktibidad naumbitan ninda na sinda nagsisirbe nin showcause order tanganing abiso sa mga employers na dae nakakapagrehistro kan saindang mga business kaya dae soboot nairereport an mga empleyado o kaya man igwang pagbalgar sa pagre-remit kan contributions kan saindang empleyado.
Sigun pa ki Agsao, obheto kan RACE Campaign na enkaminaron an mga employers na mag-remit kan saindang SSS contributions sa tamang oras asin sa ipigtalaan na deadline tanganing masierto na mag-qualify an saindang mga empleyado sa mga benepisyo.
Pigtawan-duon pa kan opisyal na an saindang pagkundusir kan nasambitan ng aktibidad an bakong pagpasupog sa mga employers kundi pagpagiromdom na huli man an iba nalilingaw asin dae natatawan nin tyansa na seryosohon an kampanya kan SSS.
