Nagtiripon an mga Israelis sa Jerusalem asin Tel Aviv para sa pangapudan nin pagtuldok sa gyera sa Gaza asin an pagbalik kan mga Israeli hostages yaon sa enclave.
Nagpaluwas nin mga bandera asin nagbitbit nin mga banners na igwa nin mga ladawan kan mga hostages.
An rally pigbibilog kan rinibong tao mantang padagos an pag-atake kan militar kan Israel sa Gaza City asin sa mas mahewas na Gaza Strip kan nakalihis na Sabado, na kun saen binuwag an mga underground shaft asin mga booby-trap na istruktura sa mga pag-atake na ikinagadan man kan nasa 34 Palestinians, susog sa Gazan health authorities.
An mga puwersa na ini, na kumokontrol sa silangang suburb kan Gaza City, an nagtaong danyos sa mga lugar kan Sheikh Radwan asin Tel Al-Hawa gikan man sa kun saen sinda ipoposisyon tangani umabante sa tahaw asin kanlurang parte kan syudad na kun saen an kadaklan sa populasyon sa lugar an nag ebakwar na.
Sa haros duwang taon kan pakikipaglaban, an opensiba kan Israel an naggadan sa labi sa 65,000 Palestinians, sigun pa sa Gazan health authorities, nagpalaganap nin taggutom, asin niraot an kadaklan sa mga istruktura.
Nagpuon an gyera makalihis an nagin pag atake sa Israel kan nakalihis na Oktubre 7, 2023, na ikinagadan kan 1,200 katao asin pagdakop sa 251 hostages.
Sa kabilugan, 48 sa mga hostages an nagtitinir sa Gaza.
