Nagsagibo nin hiro protesta ngunyan na aldaw nin Huwebes an nagkapirang grupo kontra sa soboot maanomalyang flod control projects sa EDSA Shrine sa Ortigas Avenue.
Sigun sa mga raliyista, dapat mag-appoint nin mga leader na igwang malinig na konsensiya asin dangal tanganing dae masayang an pondo kan bayan.
Kaibahan sa nagkapirang progresibong grupo na naghayag kan saindang pangapodan na panimbagon an mga kurap Iyo an Akbayan Youth, Tindig Pilipinas at Youth Against Kurakot.
Nangapodan man nin suporta para sa mas mulat na pagbabantay sa mga imbestigasyon sinda Khylla Meneses, Akbayan Youth Secretary General asin Matthew Silverio, National Councilor kan Alliance of the Philippines.
Malunsar man soboot an grupo nin mas mahewas na hiro-protesta sa Setyembre 21 sa nagkapirang parte kan nasyon.
Pigpapakalma man kan mga otoridad an publiko tanganing dae mauli sa kariribokan an mga piglunsar na demonstrasyon.
