NAGA CITY- Nagpuon na ngunyan na aldaw an random inspection kan Traffic Enforcement Unit kan Naga City Police Office sa mga terminal sa siyudad nin Naga.
Sigun ki PMAJOR Rey Alvarez, Traffic Enforcement Unit kan Naga City Police Office, an nasambitan ng inspection an kasabay kan saindang pagmonitor sa mga pampublikong lunadan na naglalaog sa Naga City para sa papaabuton na Peñafrancia Fiesta.
Parte soboot ini kan tamang pagmanehar kan trapiko para sa nasambitan ng kasiributan.
Dugang pa ni Alvarez, an nasambitan man na inspection an komo pagirumdom sa mga drivers asin operators na magin preparado sa anuman na oras tanganing malikayan an aksidente sa tinampo partikular ngunyan na igwang pigpepreparan na kasiributan an siyudad.
Saro sa mga hihilingon, iyo an kumpletong dokumentos kan lunadan, lisensiya asin iba pang accessories kan behikulo.
An mga madadakop na dae nagsusunod sa batas trapiko igwang kakahampangon na penalidad o matatawan nin ticket.
Sa ngunyan, pigsierto na sana ni Alvarez na mapadagos an saindang pag-inspeksyon huli ta igwa naman naka-scheduled na bibisitahon na terminal.
