Lumampas na sa record-high na 17 trillion pesos an utang kan Pilipinas. Susog sa Bureau of Treasury, nasa 17.27 trillion pesos na an kabilogang utang kan nasyon sa pagtatapos kan bulan nin Hunyo.
Naglangkaw ini nin 2.1 percent gikan sa 16.92 trillion pesos kan nakalihis na bulan nin Mayo.
Paliwanag kan ahensya, naglangkaw an utang kan nasyon dara kan halangkaw na demand sa government securities kun saen 11.95 trillion pesos an domestic borrowings asin man 5.32 trillion pesos man an external debt.
Enot nang dinepensaran kan ahensya na nagtitinir na sustainable an utang kan nasyon sa ibong man kan nairehistro kaining record high.
Advertisement
Advertisement
