NAGA CITY – Pig-active na kan Department of Social Welfare and Development (DSWD) Disaster Response Command Center o DRCC an Red Alert katakod kan banta kan habagat asin Bagyong Carina.
Sigun sa DSWD, nakatutok na ini ngunyan partikulamente an DSWD Disaster Response Management sa sitwasyon sa mga apektadong lugar.
Paliwanag pa kan DSWD nagkaigwa na man nin pulong an ahensya sa pangengenot ni Disaster Management Group Usec. Diane Rose Cajipe tanganing pag-ulayan an ikakasang disaster response kan ahensya.
Dagos-dagus man an mga interventions sa pagsimbag sa kalamidad kabali na an pagpreposisyon sa Family Food Packs.
Sa presente, mapakol sa ₱2.5 billion an nakapreparar na resources kan DSWD kun saen ₱103.34 million an standby funds, mantang ₱1.21 billion man an kantidad kan Family Food Packs.
