Pig-aprobaran na kan Energy Regulatory Commission (ERC) an regulatory reset fee na parte kan pigkokolektar o pigsisingil kan mga private electric service company sa mga konsyumer kaini puon pa kan nakalihis na taong-2015.
An desisyon na ini an pigsagibo makalihis magtagama an gobyerno nin pondo para sa mga consultant na dae man nagamit.
Bagaman dae pa pigluluwas kan ERC an opisyal na listahan kan mga utility na apektado, piglalaoman na kaibahan digde an mga pangenot na kumpanya siring kan Meralco VECO, Davao Light, asin Cepalco.Para sa Meralco, pigkakalkulo an refund na P0.22/kWh asin mahihiling ini sa bill sa February 2025.
Pwedeng makatabang ini tanganing ma-offset an posibleng paglangkaw kan singil na igwang kinaaraman sa recovery kan mga gastos sa National Grid Corporation of the Philippines (NGCP) para s amga ancillary services.
Siring man, dae pa pigbabanggit kan ERC an eksaktong kantidad kan refund para sa iba pang mga utility.
Apwera sa regulatory reset fee refund, piglalaoman man na matao nin refund an Meralco gikan sa mga over-collection kaini puon pa kan nakalihis na 2022, na presenteng pigrereview kan ERC.
Pig-anunsyar kan Meralco na mapakol sa P16 billion an refund, alagad pighurot kan grupong NASECORE na responsibilidad kan ERC, asin bako kan Meralco an pagkalkulo kan tamang kantidad basado sa mga datos na igwa an komisyon.
Mientrastanto, nagtao na nin tolong refund an Meralco puon kan nakalihis an taong-2012 solamentente P0.03/kWh an pigbaba kan saindang singil.
Huli ta dae nagkaigwa nin rate reset sa laog kan labi sarong dekada, nakatalaan an ERC na magsagibo nin bagong rate reset sa 2025, alagad dae pa man nailuluwas an paramientras na rate para sa Meralco mantang pig-aaram pa an final average distribution rate sa bagong regulatory period na mapuon man sa 2025 hasta 2028.
