NAGA CITY- Pigkakarkulong maabot sa poko mas umenos sa 200 an mga regular fighters kan rebeldeng New People’s Army (NPA) sa rehiyong Bicol.
Sa entrevista kan Bombo Radyo Naga ki Capt. Joash Pramis, chief, Division of Public Affairs Office (DPAO), 9th Infantry Division, Philippine Army, sinaysay na dawa nagbaba na suboot an numero kan mga NPA basado sa saindang nakukuang impormasyon alagad dae pa nanggad ninda pigpapasipar an mga ini huli ta posible pa nanggad sindang makapaglunsar nin kariribukan.
Katakod kaini, padagos suboot an ginigibo nindang mga military operations para masierto an katuninongan asin pagiging salbvado sa manlaen laeng parte kan rehiyon.
Sigon man ki Pramis, maikokonsiderang matuninongan an kamugtakjan kan probinsya nin Camarines Sur sa ibong kan nairerehistrong mga pag-atake kan rebeldeng grupo.
Mientrastanto, susog man sa opisyal, yaon na sa kamot kan saindang national headquarters kun magkakaigwa nin ipapautob na Suspension of Military Operations (SOMO) urog na ngonyan na pasko.
