Ipinagsugo kan National Disaster Risk Reduction and Management Council (NDRRMC) na dapat magsagibo nin mga infrastructure audit asin magkasar nin regular na earthquake drills an mga lokal na gobyerno komo pagpepreparar sa mga kalamidad partikularmente na sa linog.
Sa memorandum na iniluwas ni NDRRMC Chairman asin Department of National Defense (DND) Secretary Gilbert Teodoro, nakasaysay na dapat na pamayuhan kan mga ahensiya katabang an lokal na gobyerno an pagkakasar nin mga assessments na ini tanganing masierto na mababantayan na marhay an mga posibleng danyos na masasapo enkaso igwang magtamang anuman na panibagong pagyugo-yugo sa nasyon.
Nakasaysay man sa memo na ini na dapat mas pakusugon man an Public Information efforts tanganing malikayan an pagpapalakop asin pagtatao nin panic asin stress sa publiko dara kan mga salang impormasyon.
Apwera digde dapat soboot magkaigwa nin mahigot na koneksiyon an mga regional DRRM officers sa Philippine Institute for Volcanology and Seismology (Phivolcs) para sa mga teknikal na suportang kakaipuhanon enkaso.
Mientrastanto enot na man na ipinasairarom ni Teodoro sa sarong review an mga contingency plans kan mga lokal na gobyerno tanganing masierto na updated an mga ini.
