Pinuonan na kan Department of Public Works and Highways (DPWH) kan nakalihis na bisperas kan Pasko an enot na kabtang kan haloy nang planong rehabilitasyon kan Epifanio delos Santos Avenue (EDSA).
Sigun ki Public Works Secretary Vince Dizon, alinsunos ini sa kasuguan ni Presidente Ferdinand Marcos Jr tanganing mapamarhay an kasalbaduhan kan mga motorista, commuter, asin pedestrian, orog na an mga senior citizen, PWD, asin bados.
Pinili an holiday break tanganing mabawasan an abala sa trapiko. Nagpuon bandang alas-11 nin banggi an concrete reblocking sa northbound asin southbound lanes, na mahaloy hasta Disyembre 27, antes sunodan kan asphalt overlay works.
Inabisuhan ni Dizon an mga motorista na maggamit nin mga alternatibong ruta, asin sinaysay na maluwas an DPWH nin updated schedule para sa mga masunod na aldaw.
Babangaon soboot sa duwang yugto an rehabilitasyon kan EDSA na mahaloy nin tig-arapat na bulan lambang phase, puon sa Roxas Boulevard hasta EDSA-Orense, asin susundan kan natatadang parte kan primedong lansangan.
