Sarong dakulang insulto an ginibo kan Senado sa pag remand o sa pagbabalik sa Articles of Impeachment sa House of Representatives na lilitis ki Vice President Sara Duterte.
Sigun ki Camarines Sur Representative Gabriel Bordado, na nakakainsulto an ginibo kan Upper Chamber kun an Senado asin House of Representatives an co-equal body kaya dapat sanang tawan ini nin respeto.
Huli digdi, nagtutubod si Bordado na mawot kan Senado isupervise an House of Representatives.
Sinaysay ni Bordado ginibo kan mga Kongresista an gabos tanganing magpirma sinda nin huli ta nagtutubod sinda na tama ini asin maging an mga dokumento na saindang isinumiter.
Sigun ki Bordado nakakadismaya an nasambitan ng lakdang kan Senado.
Duon kan Kongresista ini an enot na pagkakataon na ibinalik sa Kamara an Articles of Impeachment.
Duon pa kaini na naglalaom pa man ini na pag-uulayan kan Senado anbimpeachment trial alagad nakilhag ini pag iba kan ihip ng panahon.
Tinuran man ni Bordado an sinabi kan sarong senadora na kun igwa man sana nin pagdududa nagpadara na sana nin clarificatory communications sa House of Representatives asin dae ini pigbalik.
