Nangapudan an Department of Interior and Local Government (DILG) sa mga local government units (LGU’s) sa nasyon na pakusugon an saindang inspeksyon tangani na dagusan nang mauntok an operasyon kan mga iligal na Philippine Offshore Gaming Operations (POGOs) sa nasyon .
Segun ki Interior Secretary Jonvic Remulla, nagkakanigo na mas maray an trabaho kan mga local chief executives asin higuton pa an inspeksyon na ginigibo sa gabos na establisyemento asin imprastraktura sa saindang lugar.
Papanimbagon man suboot an mga personalidad na nag-inspeksyon sa mga buildings alagad dae nagreport kan saindang operasyon.
Enot na digde, nagpaluwas nin patanid si Remulla sa mga awtoridad na nag-raid sa sarong pasilidad sa Barangay Tambo, Paranaque City kan Enero 8 na iyong pigtutkdo na pugad man nin mga investment scams basado sa National Bureau of Investigation (NBI).
Mientrastanto, saro sa mga direktiba ni Remulla sa mga LGU iyo an makipagkoordinar sa Philippine National Police (PNP) para sa mga inspeksyon kan mga natatagong operating hub kan POGO.
