Nagsunad nin reklamo sa House Committee on Ethics an Privileges si Cavite 4th District Rep. Kiko Barzaga kontra ki House Deputy Speaker asin Antipolo 1st Distrcit Rep. Ronaldo Puno.
Sigun ki Barzaga, igwang tolong basehan an saiyang ethics complaint kontra ki Puno.
Enot na pigsambit ni Barzaga an pagagamit ni Puno kan mental health issue kontra sa saiya maski dae propesyonal asin mayong kakayanan tanganing madetermina an mental health condition kan siisay.
Panduwang pigsambit ni Barzaga, an paggamit soboot ni Puno sa Ethics committee tanganing pugulan an saiyang mga pahayag kontra ki dating House Speaker Ferdinand Martin Romualdez na salungat sa demokrasya asin derechos sa pagpapahayag.
Ikatolong pigsambit ni Barzaga an pagagamit ni Puno sa saiyang mga ladawan kaibahan an nagkapirang pribadong indibidwal na kinuonan antes pa ining magin kongresista.
Pigtawan duon ni Barzaga, an mga nagin aksyon asin pahayag ni Rep. Puno an pagbalgar sa Konstitusyon, Republic Act 6713 o Code of Conduct and Ethical Standards for Public Officials and Employees, Cybercrime Prevention Act asin Right to Privacy.
