NAGA CITY – Hahalaton na sana suboot ni Ako Bicol Partylist Representative Alfredo ‘Pido’ Garbin Jr ang magigin desisyon kan saiyang mga kapareho lehislador sa kung siisay ang susuportahan para sa speakership post.
Sa entrevista kang Bombo Radyo Naga ki Garbin, sinabi kaining dai man nadipisilan an Party-list Coalition sa pagsuporta sa nagin anunsyo ni Presidente Rodrigo Duterte sa term sharing ninda Taguig Rep. Alan Peter Cayetano asin Marinduque Rep. Lord Alan Velasco sa speakership post.
Segun ki Garbin, mayo man suboot siyang nahihiling na problema urog na sa kakayahan kan nasambitan na mga opisyal urog na ni Cayetano.
Dugang pa kaini, dakula ang papel kang sarong House Speaker huli ta katabang ini kang Presidente sa national agenda.
Sa ibong kaini ‘no comment’ man si Garbin sa kung siisay ang gusto niyang mainot na magtukaw komo House Speaker sa duwang opisyal.
