Pigkumpirmar ni Batangas 1st District Representative Leandro Leviste na naghurot ini sa Kamara nin “travel authority” para sa mga biyahe sa nasa 20 nasyon puon February 8 hasta July 26.
Kabali sa mga nasyon na dudumanan ni Leviste an United States, Hong Kong, Singapore, Indonesia, Cambodia, Timor-Leste, France, Germany, Belgium, the Netherlands, Italy, Switzerland, Austria, Portugal, Spain, Australia, the United Kingdom, China asin United Arab Emirates.
Pakay ni Leviste na bisitahon an mga Filipino community sa nasambitan ng mga nasyon.Piglinaw man ni Leviste na dae ini dire-diretsong nasa abroad sa laog nin labi limang bulan kaya magigin present pa man ini sa Kamara orog kung tatawan ini nin pagkakataon na makapagtaram dapit sa isyu.
Sigun ki Leviste an saiyang travel abroad an kasunod kan soboot“request” kan nagkapirang “high-level representatives” kan administrasyong Marcos Jr., na ipinaabot sa saiyang ina na si Sen. Loren Legarda.
Pigsaysay ni Leviste, igwa soboot nagmamawot na maghali ininsa nasyon asin iuntok an pagluluwas nin mga ebidensya na nag-uugnay sa mga opisyal kan gobierno sa maanumalyang mga proyekto kan Department of Public Works and Highways (DPWH).
