Pigbuyagyag ni Batangas 1st District Rep. Leandro Legarda Leviste na nagtugon ini sa nagkapirang tawo na isapubliko an gabos kan saiyang mga file enkaso igwang maraot na mangyari sa saiya.
Ginibo ni Leviste an pahayag kan nakalihis na bisperas kan Pasko, pirang oras makalihis kaining ilantad sa publiko an 19-dahong listahan kan mga proponent kan Department of Public Works and Highways (DPWH) projects sa irarom kan P6.326-trilyong 2025 national budget.
Alagad maski mayong tinukoy na partikular na insertions kan mga lehislador, pigpapahiling sa listahan an milyun-milyong “allocable” na kantidad na pwedeng itagama kan lambang kongresista taun-taon.
Sinaysay ni Leviste na maski Pasko, napag-ulayan pa man ninda kan saiyan ina na si Senator Loren Legarda, an saiyang trabaho.
Sigun sa saiya, pinagiromdoman kaini an siayang ina sa saiyang direktiba na kun igwang mangyari sa saiya, dapat iluwas an gabos kan winalat na dokumento asin ipagpadagos an pagsisiwalat kan impormasyon.
Dae na pinangaranan kan 32-anyos na lehislador an mga tawong saiyang pigtugon. Katakod kaini, binaggit man kaini an kaini an pagkagadan kasuarin sana ni dating DPWH Undersecretary Maria Catalina Cabral, na soboot pinaggikanan kan listahan, makalihis na mahulog sa bangin sa Benguet, sarong insidente na presente pang pig-iimbestigaran kan mga otoridad.
Sa sarong entrevista kasuarin sana, kinumpirmar man ni Leviste na pinakusog kaini an saiyang security detail.
