Bumuwelta si Davao City Representative Paolo “Pulong” Duterte ki Majority Leader Sandro Marcos makalihis na batikuson dapit sa mga “Ghost” projects.
Enot kayang sinabi ni Duterte na kaya pinili ni Presidente Ferdinand Marcos Jr si Isabela Rep. Faustino “Bojie” Dy III na magribay ki dating Speaker Martin Romualdez tangani matakupan an mga lapa na sistema huli sa pagkaka-imbwelto kan nagkapirang lehislador gikan sa kuwestiyonableng flood control projects.
Pinahimutikan ini ni Sandro asin sinabing sa pirmeng paghahali ni Duterte dae ini natatawan nin bastante na impormasyon asin man inakusaran pa na sibot ini sa paghahanap nin P51-bilyon na kantidad kan infrastructure projects sa distrito.
Hurot ni Duterte na garu buta an lehislador gikan sa Ilocos huli ta naipaliwanag na kan Department of Public Works and Highways (DPWH) Region XI na an P49.8-B na kantidad kan proyekto. Nanindugan si Duterte na mayong ghost project sa saiyang distrito.
Sa huri pig inkamianar ni Duterte si Rep.Marcos na dapat magpa-hair follicle drug test na sinda kan amang si Presidente Ferdinand Marcos Jr.
