Nakapag-imbak an National Food Authority (NFA) an mga reserbang katampad kan haros 7.17 milyong mga sako nin 50 kilograms na bagas ngunyan na taon.
An numero na ini an pinakahalangkaw na inventory level kan ahensiya makalihis an limang taon asin nahiling na labi na nakatabang sa mga lokal na paraoma huli sa halangkaw na buying price na gikan sa P27/kilo an pigkakarkulong nasa P24/kilo na ngunyan na taon.
Sa ibong kan paglangkaw na porsyento kan nagin pag-iimbak kan ahensiya, pigsierto ni NFA Administrator Larry Lacson na igwang bastanteng pondo an saindang opisina para sa pagbakal nin mas kadakol pang paroy.
Kaya pa soboot makabakal kan NFA nin poco mas o menos 500,000 metric tons kan paroy na iyong pigkakarkulong maabot asin katampad kan 6.3 milyong sako kan giniling na bagas.
Mientrastanto, presente na man pigpapagayon na kan NFA an saindang mga pasilidad asin mga imprastraktura para sa mas marhay na imbakan kaibahan na digde an saindang mga handling facilities.
Pigsierto man kan Department of Agriculture (DA) katuwang an NFA na padagos sana an saindang mga ahensiya sa paghanap kan mga paagi tanganing mas mapahusay pa an pag-iimbak kan bagas gikan sa mga lokal na paraoma.
