NAGA CITY- Mawot suboot ni Department of Justice (DOJ) Sec. Vitaliano Aguirre na maenotan an anuman na dismissal order na hale ki presidente Rodrigo Duterte kun kaya nagsumiter na ini kan saiyang resignation letter.
Ini an pigbuyagyag ni Ako Bicol (AKB) Partylist Representative Alfredo “Pido” Garbin sa entrevista kan Bombo Radyo Naga.
Sigon ki Garbin, antes pa an pagbubutas sa pwesto ni Aguirre, igwa na sindang naresibeng impormasyon hale sa insider ninda sa DOJ na haloy nang nakaandam an resignation kan opisyal para maenotan an posibilidad nin dismissal order hale sa hepe ehekutibo.
Sigon saiya, nilalaoman na ninda an posibilidad kan paghale ki Aguirre komo secretary kan DOJ.
Enot digdi, sinaysay ni Garbin na duwang semana antes an saindang lenten break sa Kongreso, nangapudan na suboot an saindang grupo sa pagbubutas sa pwesto ni Aguirre huli naman sa manibong ibong na palpak suboot na desisyon asin rekomendasyon sa mga high profile cases na nangyari sa irarom kan presenteng administrasyon.
