Pigtawan-duon kan Department of Educationa an importansiya kan Artificial Intelligence kan pag-eskwela kan mga estudyante sa nasyon.
Kaakibat kaini an importansiya man kan paggamit kaini nin responsable tanganing magin mas epektibo asin kapakipakinabang.
Sigun ki DepEd Chief-of-Staff Undersecretary Fatima Lipp Panontongan, sa ngunyan kaibahan sa mga pigtutukdo sa mga estudyante sa mga pribado asin pampublikong eskwelahan an tamang paggamit kan AI.
An lakdang na ini, isasagibo sa paagi kan tabang na nagpupuon sa manlaen-laen na educational partner sa Pilipinas.
Apwera sa pagigin responsable sa paggamit kan AI, kaipuhan man na magin ethical an paggamit kan bagong teknolohiya na ini.
Pigtawan-duon pa kan opisyal an importansiya na maitukdo sa mga Generation Z hasta Beta asin magin sa mga masunod na henerasyon.
