Retiradong pulis, pinagbabadil gadan sa Quezon

NAGA CITY- Gadan an sarong retiradong pulis makalihis na pagbabadilon kan dae pa nabibistong suspek sa Lopez, Quezon.

Binisto an biktima na si retired SPO4 Ernesto Ganzagan, 59-anyos.

Papuli na kuta sa saindang harong an biktima lunad kan saiyang bisikleta kan bigla na sana suboot mag-abot an dae pa nabibistong suspek.

Binadil suboot kan mga suspek an biktima sa likudan na parte kan saiyang payo na nagresulta sa saiyang tulos na kagadanan.

Sigon sa mga nakahiling sa pambabadil, nakasulot nin uniform kan QUZELCO an nasambitang mga suspetsado.

Nagpapadagos pa ngonyan an pigkokondusir na imbestigasyon kan mga kapulisan para sa marikas na pagkakabistuhan kan nakadulag na mga suspek.