Naresiber na kan ribo-ribong mga paraoma sa Bicol Region na apektado kan bagyong Kristine an P24.4M na indemnity checks gikan sa Philippine Crop Insurance Corp.
An siring na korporasyon yaon sa irarom kan superbisyon kan Departamento nin Agrikultura.
An Agriculture Secretary Francisco Tiu Laurel Jr. an nangenot sa pagdistribwer kan siring na tabang pinansyal sa mga apektadong paraoma.
Enot na nagtao nin instruksyon an sekretaryo sa Philippine Crop Insurance Corp. tanganing maparikas an indemnification funds sa mga paraoma na labi an epekto kan bagyo.
Antes naresiber kan mga paraoma an pondo, nag-agi sa mahiwas na beripikasyon an saindang mga oma na apektado kan kalamidad.
Segun ki Laurel, makakatabang ini sainda na makabawi sa epekto kan siring na maraot na panahon.
Pigsierto ni PCIC President JB Jovy Bernabe na padagos an saindang pagdistribwer nin ayuda sa mga parasira asin parasira.
