Riteradong pulis arestado sa anti-illegal drugs ops sa CamSur

Rata sa karsel an sarong retiradong pulis sa pigkondusir na search operation kan mga otoridad kontra illegal na droga sa Barangay San Francisco, Iriga City, Camarines Sur.

Binisto an suspek na si Jay Gonzales, 50-anyos

Sa nakuang impormasyon kan Bombo Radyo Naga gikan sa PNP-Iriga, narekober sa posisyon kan suspek an sarong sachet kan pigtutubudang shabu, drug paraphernalia asin cal. 22 na badil.

Sa ngunyan nasa kustodiya na kan mga otoridad an retiradong pulis asin nahahampang sa kasong pagbalgar sa RA 9165 o Comprehensive Dangerous Drugs Act of 2002.