NAGA CITY- Pig-abisuhan kan Public Safety Office Naga an publiko na igwang isasaradong tinampo sa Setyembre 7, 10 asin 14 katakod kan isasagibong Bar Examination ngunyan na taon sa University of Nueva Caceres.
Sigun sa nasambitan ng opisina, obheto kan pagpapautob nin road closure an tanganing mas magin kumbenyente para sa mga Bar examinees na gikan pa sa manlaen-laen na lugar an saindang pag-exam.
Apwera digde, ipapautob an pagsasarado nin mga tinampo tanganing masierto an seguridad asin pagmantinir kan paz y orden tanganing mas magin organisado an bar examination.
An mga minasunod an isasaradong tinampo: E. Angeles Cor. P. Burgos; Angeles Kinastilyuhan (Plaza Q & Plaza Rizal); E. Angeles Cor Evangelista; Gen. Luna Cor Abella Ext.;J Hernandez Cor Abella (Master Square); Bayawas St. Cor Urban Queborac; F Plazo Cor Abella To J Hernandez Cor Abella; J. Hernandez Cor. Arana To Sta Cruz Poro Cor Bayawas; J. Hernandez Cor. Arana; Arana Cor Barlin;Gen.Luna Extension Cor Barlin sin an J. Hernandez Cor. Arana.
Sa ngunyan, hagad na sana kan Public Safety Office Naga an kooperasyon kan publiko para sa nasambitan ng kasiributan.
