NAGA CITY- Nagsagibo nin Road filling an mga personahe kan Solid Waste Management Office – Special Concerns Office kasuudma sa Almeda Highway sa Barangay Concepcion Grande, Naga City.
An nasambitan ng lakdang an tanganing malikayan an mga aksidente na kawsa kan mga labot na tinampo sa lugar.
Sigun sa SWMO-SCO an nasambitan ng lakdang an katakod man sa naeksperyensiyahan na pag-uuran kan mga nakalihis na aldaw na kun saen nagkawsa nin orog na pagkalabot sa mga tinampo na saro sa mga nagigin problema kan mga motorista.
Apwera kaya sa makakapaluya sa hiro kan trapiko, igwa man na posibilidad na maaksidente an mga nag-aagi digde orog na sa medyo may kararuman an labot.
Huli kaini, nagkundusir nin road filling an nasambitan ng opisina tanganing malikayan an anuman na katibaadan.
Mas marhay soboot na amay pa natatawan na nin aksyon an problema tanganing dae na orog pang magdakula o maglala.
Sa mga siring soboot na sitwasyon kaipuhan na isipon an makakamarhay para sa mga motorista orog na ta sunod-sunod naman an nairerehistrong aksidente sa tinampo kan mga nakalihis na aldaw.
Sa ngunyan pigsierto na sana kan SWMO-SCO na yaon an saindang paglapigot tanganing makatabang sa komunidad.
