NAGA CITY- Dae ngonyan pighahale kan Philippine National Police (PNP) an posibilidad na panghoholdap an yaon sa likod kan pambabadil sa incumbent Municipal Councilor sa
banwaan nin Paracale, Camarines Norte.
Sa entrevista kan Bombo Radyo Naga ki PC/Insp. Ryan Rimando, hepe kan PNP Paracale, sinaysay kaini na saro an anggulo nin panghoholdap sa pigtututukan ngonyankan saindang imbestigasyon sa pambabadil sa biktimang si Paracale Mun. Coun. Amy Oco na nangyari sa Barangay Poblacion Norte.
Marurumduman na binadil an opisyal makalihis na dae kaini bukaan an pintuan kan pigmamanehong kotse asin nagsayuma na itao an bag sa duwang dae pa nabibistong suspetsado.
Mientrastanto, dae pa man masierto kan kapulisan kun igwang kinaaraman sa pulitika an pangyayari urog pa ta liwat na makandidato sa 2019 midterm elections an nasambitang konsehal.
