NAGA CITY- Pigtalaga si Sen. Robin Padilla komo bagong presidente kan Partido Demokratiko Pilipino (PDP).
Pig-anunsyar ini kan partido kan Miyerkules nin pagkaaga asin sinabing nagtukaw na sa pwesto si Padilla. Pigribayan ni Padilla si Palawan Second District Rep. Jose Chaves Alvarez, na nagbutas sa posisyon.
Sigun sa Partido Demokratiko Pilipino, komo bagon PDP president, ipapadagos soboot nin Sen. Padilla an pagconsolidate kan mga myembro asin an pagpreparar para sa 2025 mid-term elections na pigpuonan ni Rep. Alvarez.
Naenot nang sinaysay kan senador na aakuon sana kaini an posisyon enkaso makagibo ini nin marhay na bagay asin makatabang sa saiyang kapwa Pinoy.
Sigun ki Padilla, dae boot sabihon kaini na mayo na ining mga bagong ipoprosopwesto. Kun ini an posisyon an saiyang aakuon, igwa ini nin bagong prosopwestong ipapautob para sa nasambitan ng partido.
