Aram baya nindo mga ka-bombo, sarong 11-foot-tall na bronze statue kan science fiction hero na si RoboCop an pig-install sa Detroit makalihis an haros 15 taon.
An 2.5-ton sculpture na ini, na panalmigan kan RoboCop na piggampanan kan aktor an si Peter Weller sa pelikula kan 1987 an pig-install kasuarin sana sa luwas kan Free Age Production Studio sa Detroit’s Eastern Market.
An istorya kan statue nagpuon kan 2011 kan an Alkalde kan Detroit na si Dave Bing nagsimbag sa sarong tweet na nagsusuhestyon an an siyudad kaipuhan na magkaigwa nin statue kan RoboCop.
Katakod kaini, si Brandon Walley, board president kan community arts group na Imagination Station, asin si Jerry Paffendorf, co-founder and CEO kan Loveland Technologies, piglunsar an Kickstarter campaign na nakaguno nin nasa $67,436.
An statue an binilog kan sculptor na si Giorgio Gikas asin nakumpleto kan 2017, alagad napauktaba an pag-install kaini huli sa manlaen-laen na isyu siring kan legal clearance gikan sa MGM, na iyong may kapot sa derechos kan nasambitan ng karakter.
Sa ngunyan, matrayumpong na-install na an statue na ikinaogma man kan mga residente sa lugar.
