\Aram baya nindo mga ka-bombo, an Chinese-made Walker S2 humanoid robot an pigkokonsederar komo pinakaenot na industrial robot sa bilog na kinaban na kayang ribayan an saiyang sadiring battery asin kayang mag-operate nin 24 oras kada aldaw asin 365 days sa kada taon.
An nasambitan ng robot an piglunsar kasuarin sana kan Chinese robotics company na UB Tech Robotics.
An Walker S2 an nakaguno nin kadakol na atensyon huli sa kakaiba kaining abilidad sa pagribay nin batteries tanganing masierto na dae ini mauubusan nin enerhiya o charge.
An simple alagad kakaibang feature na ini kan robot an enot sa mga bipedal robots.
Susog sa report, enkaso na-detect kan nasambitan ng robot na nagbababa na an saiyang charge, ini an otomatik na mapasiring sa battery exchange station tanganing magribay.
Inaabot sana nin pirang minuto an pagribay nin battery kun kaya epektibong marhay.
Sa ngunyan, an nasambitan ng robot an gagamiton sa mga industrial facilities asin production lines, kun saen dagusan na kaining hahalion an pangangaipuhan sa mga tawo.
