NAGA CITY- Prangkang sinaysay ni Vice President Leni Robredo na dapat haloy na niyang hinampang an mga naglalakop na fake news o salang impormasyon laban sa saiya.
Ini enkoneksyon sa mga naglalakop na impormasyon na soboot 20,000 na boto na an nawara sa opisyal gikan sa on going recount sa mga balota kan Camarines Sur katakod kan electoral protest na isinunad ni dating Senador Bongbong Marcos sa Presidential Electoral Tribunal (PET).
Sigon sa bise presidente, kan enot, nagtutubod soboot siya na dae na dapat pang patulan an nasambitan ng mga panraraot alagad huri na soboot kan naisip niya na mas marhay na simbagaon na sana ini para maputol naman an pagkaribong kan publiko.
Katakod kaini, kadakol pa man giraray soboot na mga Pinoy an napapatubod kan nasambitan ng mga ‘fake news’.
Tinawan duon man kan opisyal na kaipuhan na niyang labanan an nasambitan ng mga fake news mantang dae pa huri an gabos.
