Nagsunad si Leyte Rep. Ferdinand Martin Romualdez nin House Bill No. 7663 na obhetong magtao nin P3,000 bulanang pensyon asin social protection pakage para sa mga kwalipikadong mga gurang, igwang kakundian, asin maralitang paraoma na dae sakop kan SSS, GSIS, o pribadong retirement system.
Sigun ki Romualdez, importante an pagkakaigwa nin pensyon tanganing matawan nin kasiertuhan sa pananalapi an mga paraomang madalas mas hababa asin dae sierto an kita, asin napipiritang magtrabaho lampas sa edad kan pagreretiro.
Makakatabang soboot an regular na pensiyon tanganing mabawasan an saindang pag-asa sa pamilya asin malikayan an pagpapabakal kan pagsasadiri para sa pang-ara-aldaw na gastuson.
An prosopwestong “Comprehensive Farmers’ Pension and Social Protection Act,” an inakda man ni Tingog Party-list Rep. Jude Acidre.
Sa irarom kan prosopwesto, an kwalipikadong benepisyaryo an kinababalihan kan mga minasunod: Mga paraomng edad 60 pataas na mayong nareresebir na pensyon; mga paraomang igwang medikal na sertipikadong kakundian; asin mga paraomang indigent na pigbisto kan saindang kaniya-kaniyang LGU alinsunod sa Community-Based Monitoring System Act.
P
igtatalaan man sa prosopwesto an pagtatao nin P50,000 basic life insurance asin hasta P25,000 accident asin disability assistance kada claim.
An Department of Agriculture, katuwang an Department of Social Welfare and Development asin Philippine Crop Insurance Corp., an mangangasiwa sa implementasyon kan programa. An pondo an ibabali sa taunang badyet kan DA asin DSWD.
