Pinahimutikan ni dating Presidential spokesperson Atty. Harry Roque ngunyan na Sabado, Setyembre 27, an pagpapakuriyat nin “fake news” na nakalaya na si dating Presidente Rodrigo Duterte puon sa ICC detention facility sa The Hague Netherlands.
Sigun kay Roque, mayo pang desisyon katakod sa kahagadan na interim release para sa dating presidente. “Dakol mnan pong an nagkukuriyat nin fake news napalaya na si tatay Digong, mayo pa soboot siring kaan na desisyon.
Gabos po an desisyon pigpupublish po ‘yan sa webpage kan ICC,” giit ni Roque sa saiyang Facebook post. Tinawan duon man ni Atty. Joel Butuyan, sarong ICC-accredited lawyer, na mayong katotoohan an nagkukuriyat na impormasyon manungod sa pag-apruba kan interim release ni Duterte.
Sa entrevista kan Bombo Radyo, pigsaysay ni Butuyan na pigtuyo kan kampo ni Duterte supporters na lituhin an publiko sa paagi kan salang impormasyon.
Enot na man na naghagad an Duterte Bloc sa Senado kan interim release para kay Duterte, kasunod an “welfare check” sa dating presidente mantang nakadetine sa ICC sa The Hague, Netherlands.
Nangangapudan si Senador Ronald “Bato” dela Rosa sa Senado na iiba sa agenda an Proposed Senate Resolution No. 18, na obhetong isulong an interim release kan dating presidente gikan sa ICC, orog na paparani na an kapaskuhan.
Obheto kan resolusyon na tindugan kan Senado asin suportahan an pangapudan na mailag na sana sa house arrest si Duterte.
