Royal Navy nagpadara nin Warship sa Middle East

Ipinadara na kan Royal Navy an saindang warship na HMS Dragon sa Middle East.

Segun sa Ministry of Defence, posible sindang magpoon nin international mission tanganing protektahan an mga barkong nag-aagi sa Strait of Hormuz.

An HMS Dragon sarong Type-45 destroyer na naka-pre-position na sa nasabing rehiyon.

Kabali man sa nasabing misyon ni Keir Starmer asin Emmanuel Macron, kun saen an shipping mission posibleng maisasagibo sana oras na matapos an labanan sa rehiyon.

Marurumduman na kontrolado kan Iran an Strait of Hormuz sa laog nin pirang bulan poon kan ilunsad kan US asin Israel an mga pag-atake.