Pigkokonsiderar kan Russia na seryoso an nagin pahayag ni US President Donald Trump na sinda an papatawan nin halangkaw na taripa asin sanctions.
Sigun ki Kremlin spokesperson Dmitry Peskov na dae ninda pinapasipara an pahayag na ini ni Trump, imbes kaipuhan soboot ninda nin panahon tangani magsimbag.
Pinag-aadalan pa soboot ngunyan ni Russian President Vladimir Putin antes ini magtao nin ano man na komento dapit sa urulay.
Enot ng sinabi ni Trump na igwa nin 50 aldaw an Russia tangani magsimbag sa ibubusol nindang ceasefire deal sa pag-ultanan kan Ukraine asin man kun maghabo sainda, saindang papatawan nin 100 percent na taripa.
Madadamay man an mga nasyong nagbabakal nin langis kan Russia.
Inihayag man ni North Atlantic Treaty Organization (NATO) Secretary General Mark Rutte na maaapektaran an Brazil, China asin India huli ta padagos an pagbakal ninda nin langis sa Russia.
