Naglunsar an Russia nin sarong biggest aerial attack kontra sa Ukraine sa bilog na magdamlang, sigun sa Ukrainian official kan Dominggo, komo parte kan bombing campaign na nagresulta tanganing orog pang mawara an paglaom na matapos na an 3 taong gyera.
Sigun sa Ukraine’s air force, naglunsar an Russia nin nasa 537 aerial weapons sa Ukraine, kabali na an 477 drones asin decoys and 60 missiles.
An nasambitan ng pag-atake an pigkokonsiderar komo “the most massive airstrike” sa nasambitan ng nasyon puon kan magsalakay an Russia kan Pebrero 2022.
An pag-atake an pigpuntirya an nagkapirang rehiyon, kabali na an western Ukraine.
Mientrastanto, an nasyong Poland asin kaalyadong nasyon an na lunsar nin aircraft tanganing masierto an kasalbadohan kan Polish airspace.
Sigun man ki Gov. Oleksandr Prokudin, sarong indibidwal an binawian nin buhay huli sa drone strike sa Kherson region, mantang an iba nagadan huli sa nagtamang drone sa sarong behikulo sa Kharkiv region, sigun pa sa opisyal.
Apwera pa digdi, anom katawo man an nalugadan sa Cherkasy, kabali na an sarong aki.
