Pinatanidan kan Russia an Britain kan Lunes na ini “mababayadan nin presyo” pagkatapos na an Ukraine pigbareta na naggamit nin mga drone na gibo kan Britanya sa mga pag-atake sa mga harayong lugar sa laog kan teritoryo kan Russia. An mga drone, na gibo kan duwang kompanya kan Britain, ginamit laban sa mga target kan militar asin industriya kan Russia, segun sa report.
An Embahada kan Russia sa London nagsabi na an Britain sarong “kasabwat at katuwang” sa mga pag-atake. Sinabi kaini na an Britain tuyong pinipili na padakulaon an iriwal sa paagi nin padagos na pagsuporta sa Ukraine.
Nagpatanid man an Russia na mientras na mas hararom an pakikiaram kan Britain sa giyera asin an suporta kaini sa Ukraine, mas halangkaw an “presyo” na kaipuhan na bayadan kan Britanya. An British Ministry of Defense dai tulos nagkomento sa mga alegasyon.
An saro sa mga kompanya na soboot imbwelto iyo an sarong subsidiary kan higanteng depensa na BAE Systems. Dai na pinangaranan an ikaduwang kompanya huli sa mga rason sa seguridad.
Poon kan an Russia maglansar kan saiyang bilog na pagsalakay sa Ukraine kan Pebrero 2022, an Britain saro sa pinakadakulang mga tagasuporta kan Kyiv. Nagpromesa ini nin mga £25-B (EURO)
suporta, kaiba an £16 -B (EURO) na tabang militar. Sa mga nakaaging bulan, an Ukraine pinakusog an mga pag-atake kaini sa laog kan Russia mantang an Moscow pinakusog man an mga pag-atake nin missile asin drone laban sa Kyiv.
